XX. mendeko Euskararen Corpus estatistikoa
Testuingurua
Bigarren disko-unitatearen instalazioa.Ikus A.3. eta A.4. Irudiak.
Disko-unitate bakarreko ordenadorea baldin badaukazu eta bigarren disko-unitatea instalatu nahi baduzu, ondoko urratsak segitu: 1. Aurreko paragrafoetan esan bezala, kendu estalkia eta disko-unitatearen txasisa.
2. Disko-unitatearen txasisaren multzoa ordenadoretik atera ondoren, kendu disko-unitatearen estalki babeslea disko-unitatearen txasisaren multzoarekin lotzen duten lau torlojoak.
3. Kendu aurreko panel iratxekia ordenadorearen aurrealdetik, panel iratxekia txasisarekin lotzen duten bi torlojoak kenduz.
4. Ipini arretaz bigarren disko-unitatea buruz behera mahai baten edo antzeko gainazal baten gainean.
5. Ipini arretaz disko-unitatearen txasisaren multzoa, disko-unitatea bakarrarekin, buruz behera bigarren unitatearen ondoan.
Egiaztatu bigarren disko-unitatea lehenengoa bezalaxe posizionatuta dagoen.
6. Lotu bigarren disko-unitatea unitatearen txasisaren multzoari, unitatearekin batera hornitzen diren lau torlojoez.
7. Kontuz-kontuz itzuli eta jarri buruz gora bi unitateak instalatuak dituen unitate-txasisa.
8. Disko-unitateetako programazio-entxufeen eta zubien posizioak A (1) unitatea zein den eta B (2) unitatea zein den erakusten dute.
A unitateak zubi bat instalatuta eduki beharko luke eta B unitateak ez luke zubirik edukiko.
Bigarren disko-unitatea zenbait eredu desberdinen arteko bat izango da.
Ikus A.4. Irudia.
Bilatu zurearen antzekoa den disko-unitatea eta ipini zubiak programazio-entxufeetan irudiak erakusten duen moduan.
OHARRA: Zenbait unitatek erresistentziak ditu zubien ordez.
Deskuidatu gabe kendu zubiak (edo erresistentziak) bigarren disko-unitatetik (B unitatetik).
Ordenadoreak fabrikatik etortzen denean dakarren unitatea A unitatea da eta honela konfiguratuta dago.
Ez du doikuntzarik behar izaten A unitateak.